الايـــــــــــــــــام

تطـوي الأيـام صفحاتهـا مثـل الكتـاب

والدروس لصاحب العقـل فـي صفحاتهـا

ما لقيت أسرع من أوقات قضّاهـا الشبـاب

كـن تطـوى بالثوانـي جميـع أوقاتـهـا

آتذّكر يـوم الأصحـاب فالظلمـا: شهـاب

مـا يكفّـي كـل ليلـة عـدد ساعاتـهـا

( كنت ) أجاري بالصداقه خطا مدري صـواب

( كانـت ) النيّـات فعـلاً عـلـى نيّاتـهـا

( كان ) فالحسبان حاجة .. حاجات بلاحساب!!

كـم تجاهـلـت الحسـابـات لحساباتـهـا

( كانت ) الأيام حلـوة رغـم كـل الصعـاب

مـا توقفنـا علـى شـيء مـن هفواتهـا

وبعدما الأيـام عضتنـي بضـرسٍِ ونـاب

ما نفعنـي قـول ( كانـت ) ولا أخواتهـا!!

أصبحت بعد الثلاثيـن حلـم ٍ فـي سـراب

ما تذكّـر صافـي الذهـن غيـر أشتاتهـا

كن ما بينـي ومـا بينهـا حـال الضبـاب

ليتنـي غافـل والأيـام فــي غفلاتـهـا

كل ما فكـرت فيهـا نشـأ مثـل السحـاب

في عيوني وأمطر ارشـاش مـن دمعاتهـا

والسنين اللـي تسمـى سنـوات العـذاب

تختصـر كـل العبـارات فـي عبراتـهـا

أوقفتني حكمة الوقت فـي موقـف عتـاب

وخيّرتنـي قبـل لا اختـار فـي وقفاتهـا

ياتبدّل بعـض الأصحـاب تبديـل الثيـاب

يا تقضّـي معظـم العمـر فـي شرهاتهـا

والحقيقـة مـا تعـوّدت تبديـل الصحـاب

النفـوس: شعـوب ، حكّامهـا: عاداتهـا!

قد علمت إني زرعت أكثـر الأرض اليبـاب

وقد علمت إنـي حصـدت اليبـاب بذاتهـا

كان عندي للسؤال أمس أكثر مـن جـواب

وصار عندي أسئلة مـا اعْـرف إجاباتهـا

خذ مثال : الناس ليه أصبحوا مثل الذئـاب

بالنوايـا والطبايـع وحـتـى أصواتـهـا

والحياة اللي ما تسوى جنـاح ٍ مـن ذبـاب

ليه صارت منتهـى النـاس فـي هقواتهـا

لوّ مـا فالآخـرة: غيـر مرجـو ّ الثـواب

يكفـي إنّـا مـا ناخذهـا علـى علاّتهـا !

كيف والإنسـان يخشـى مـن الله العقـاب

قـدرمـا يــدرا حساناتـهـا سيّاتـهـا



الكاتب /الجنوبي

والحياة اللي ما تسوى جنـاح ٍ مـن ذبـاب

ليه صارت منتهـى النـاس فـي هقواتهـا

والله العظيم مبدع ومميز ابيات غير مستغربه عليك ياشاعرنا الجنوبي اكرر لك انا في انتظار جديدك

نقل مميز وجميل يعطيك العافيه

الله يعطيم الف الف عافيه يالطويري وصعب المنال

مشكوووووور والله يعطيك الف عافيه

تطـوي الأيـام صفحاتهـا مثـل الكتـاب...

...والدروس لصاحب العقـل فـي صفحاتهـا

قصيده رائعه وكلمات معبره
الله يعطيك الف عافيه....تقبل مروري..

مشكوووووور والله يعطيك الف عافيه

أبيـــــــــــــــــــــات رائعه 000000 يعطيك العافيه وتقبل مروري

أشكرك يالجنوبي

مشكوووووور والله يعطيك الف عافيه